Категорија: Некатегоризирано

Редовното вежбање е клучно за одржување на физичката кондиција и целокупната благосостојба. Концептот на вежбање со партнер може да изгледа како едноставен избор, но неговите придобивки се многу поголеми од индивидуалното вежбање. Без разлика дали станува збор за пријател, член на семејството или партнер, заедничкото вежбање носи низа на предности.

Вежбањето со партнер поттикнува дополнителна мотивација, особено во моментите кога знаете дека некој друг е подготвен за истите предизвици и се придржува до вашата фитнес рутина.

Дополнителното вежбањето со партнер неоспорно внесува елемент на забава во вашата фитнес рутина. Споделувањето на искуството од физичка активност може да доведе до многу интересни моменти и секако го буди натпреварувачкиот дух.

Исто така вежбањето со партнерот го негува социјалното поврзување, без разлика дали се работи за размена на зборови на охрабрување за време на тежок тренинг.

Комбинацијата на взаемна мотивација, пријателска конкуренција, зголемена конзистентност и подобрена ментална благосостојба го прави овој пристап кон фитнесот – влијателен и наградувачки избор.

Те очекуваме во Synergy Fitness & Spa заедно со твојот пријател!

Летниот период е време на сончеви денови, одмори на плажа и авантури. Но, пеколното летно време и примамливите забави, може да бидат предизвик при зачувувањето на мотивацијата за вашата фитнес рутина. Во овој блог, ќе истражиме 4 ефикасни совети кои ќе ве задржат мотивирани и ќе ви помогнат да ги продолжите вашите тренинзи за време на летните месеци.

1. Поставете специфични и реалистични цели

Започнете со дефинирање јасни и остварливи фитнес цели за летото. Нека биде тоа подобрување на издржливоста, тонирање на одредени мускули или постигнување на одредена тежина. Имајќи добро дефинирани цели, вашите тренинзи ќе имаат цел и насока.

2. Останете хидрирани

Пред да започнете со вашите летни тренинзи, важно е да се хидрирате правилно. Правилното хидрирање е од критична важност за време на тренинзите во летото. Во секое време носете со себе шише вода и пијте за време на тренинг. Дехидрацијата може да предизвика замор и намалени перформанси, затоа не заборавајте да пиете вода.

3. Облечете се удобно

Изборот на правилна облека за вежбање може значително да влијае на вашата удобност за време на летните тренинзи. Изберете облека за вежбање со лесен материја.

4. Пронајдете си тренинг партнер

Вежбањето со пријател или член на семејството може да ја зголеми мотивацијата и одговорноста. Поддржувајте се меѓусебно, честитајте си на успесите и направете го вашиот фитнес пат ова лето поинтересен и забавен.

Да останете мотивирани со вашата фитнес рутина за време на летото бара одлучност. Со поставување реалистични цели и и вклучување на овие совети во вашата рутина, можете да продолжите со вашата фитнес патека дури и во најтоплите месеци. Останете хидрирани, останете безбедни и уживајте во фантастичниот летен период исполнет со освежувачки тренинзи! Прегрнете го летото со ентузијазам и го направете ова лето најфит до сега!

Ве очекуваме на тренинг во Synergy Fitness & Spa!

Кога станува збор за физички активности или вежби, средината во која се одлучувате да тренирате игра значајна улога во вашето севкупно искуство како и перформанси. Иако поголемиот процент на популацијата претпочитаа да вежба на отворено, постојат убедливи причини зошто вежбањето во климатизирана и разладена просторија може да понуди неколку предности. Во оваа статија, ќе образложиме зошто изборот на средина со контролирана температура може да ги подобри вашите тренинзи и да ви помогне да постигнете уште подобри резултати.

1.Регулирање на температурата

Една од основните придобивки од вежбањето во климатизирана просторија е понудената опција да се регулира температурата. Имено вежбањето ја зголемува температурата на вашето тело, со што се потите значително. Со тренирање во разладена средина, можете да одржувате удобен температурен опсег, дозволувајќи му на вашето тело ефикасно да ја исфрла топлината од себе.

2. Подобрена удобност и фокус

Практикувањето на вежбање при екстремна топлина може да биде физички и психички предизвик. Високите температури може да направат да се чувствувате заморени, што ќе влијае директно на вашите перформанси и ќе ја намали вашата способност за концентрирано вежбање. Спротивно на тоа, климатизираната просторија обезбедува идеален амбиент за перформанс овозможувајќи ви да се фокусирате исклучиво на вашите установени рутини за вежбање.

3. Засилена безбедност

Екстремнатаа топлина сама по себе претставува ризик за вашето севкупно здравје и безбедност.  Вежбањето во услови каде има голем концентрат на топлина може да доведе до топлотен удар,  топлотна исцрпеност и дехидрација – ставки кои можат да бидат ризични и опасни по вашиот живот. Со избирање на климатизирана просторија за вашите сесии за вежбање, значително ги намалувате шансите за појава на овие ризици. Регулираната средина од самиот старт ви гарантира беспрекорно и непречено вежбање.

4. Конзистентност во перформансите

Вежбањето во климатизирана и разладена просторија обезбедува стабилна и конзистентна средина создадена за вашите тренинзи. За разлика од надворешните простори, кои се предмет на  флуктуирачки временски услови, внатрешната постава ви овозможува да одржувате предвидлива рутина. Со елиминирање на променливата температура, можете да се фокусирате на одржување стабилен тренинг режим и да напредувате со поконтролирано темпо.

5. Заштита од загадувачи и алергени

Отворените локации за вежбање ве изложуваат на разни загадувачи, алергени и надразнувачи, како што се полен, прашина и загадување на воздухот. Овие фактори можат негативно да влијаат  на вашиот респираторен систем и да предизвикаат непријатност за време на вежбањето. Спротивно на тоа, климатизираната просторија обезбедува филтриран воздух кој е ослободен од  нечистотии, нудејќи почиста и поздрава средина. Ова може да биде особено корисно за лицата со респираторни состојби и алергии, овозможувајќи им да вежбаат без да ги влошат нивните симптоми.

Можеме да донесеме заклучок дека со вежбање во средина со контролирана температура имате  можност да ја регулирате температурата на вашето тело, да ги подобрите удобноста и фокусот, да  обезбедите безбедност, да одржувате постојани перформанси и да избегнете изложување на загадувачи и алергени. Како заклучок можеме да кажеме дека целта на секоја тренинг сесија е да  ги оптимизира вашите перформанси и да ја подобри вашата целокупна благосостојба. Останете во добар физички ритам и балансиран животен стил.

Ве очекуваме уште денес на тренинг во Synergy Fitness & Spa!

 

Редовното вежбање е најдобрата инвестиција која можете да ја направите за вашето сопствено здравје.

Гарантирано е дека веднаш ќе почнете да ги искусувате придобивките од континуираната физичка активност која ќе биде одлична рефлексија врз вашето тело и целосната благосостојба на вашиот организам.

Мора да напоменеме дека вежбањето како дел од вашата рутина бара многу одлучност, а придржувањето до него на долг рок бара стриктна дисциплина.
Ако сте во дилема дали да започнете да вежбате, но не знаете од каде да стартувате оваа статија е посветена за вас.

Зошто да почнете со вежбање?

Постојат бесконечен број на причини, но во оваа статија ќе ви ги издвоиме оние кои
сметаме дека се круцијални по однос на вашето целокупно здравје.

Следните неколку точки можат да ви го променат животниот тек само во нагорна линија.

• Докажано е дека редовното вежбање значително го подобрува вашето здравје.
• Со редовното вежбање постигнувате и редовно одржувате здрава телесна тежина
и мускулна маса и го намалувате ризикот од можни хронични болести.
• Дополнително, истражувањата покажуваат дека вежбањето може да го покренее
вашето расположение, да го зајакне вашето ментално здравје и да ви помогне да
спиете подобро и да одржувате добро ниво избалансирана енергија.

Да сумираме – вежбањето е е моќна есенција со бесконечен број на позитивни промени.

Не чекајте и веднаш закажете го својот термин и направете промена во вашиот живот!

Ве очекувме на тренинг во Synergy!

Ако не одвоите време за физичка активност сега, голема е веројатноста дека ќе треба да одвоите време за лекување подоцна.

Редовната физичка активност не само што ја подобрува вашата целокупна благосостојба, туку ја спречува и појавата на многу болести – a понекогаш дури и помага при нивното лекување.

Секој човек, без разлика на возраста, треба редовно да вежба со цел да го подобри квалитетот на сонот, да ја зголеми енергијата и да се чувствува посамоуверено.

Никогаш не е доцна да започнете со вежбање и да го вклучите во вашата дневна рутина, бидејќи неговите предности се многубројни.

Кои се трите главни придобивки од редовната физичка активност?

1. Влијае на вашето расположение и прави да се чувствувате посреќни

Научниците докажуваат дека вежбањето го подобрува расположението и ги намалува чувствата на депресија, анксиозност и стрес. Произведува промени во деловите на мозокот кои го регулираат стресот и анксиозноста. Дополнително, вежбањето може да го зголеми производството на ендорфини, за кои е познато дека помагаат да се создадат позитивни чувства и да се намали перцепцијата на болката.

2. Придонесува кон зголемување на нивото на енеригја

Една постара студија покажа дека 6 недели редовно вежбање го намалува чувството на замор кај 36 луѓе кои пријавиле постојан замор. придобивки за здравјето на срцето и белите дробови од вежбањето. Аеробните вежби го зајакнуваат кардиоваскуларниот систем и го подобруваат здравјето на белите дробови, што може значително да помогне во нивото на енергија.

3. Помага да се опуштите и го подобрува квалитетот на вашиот сон

Редовното вежбање може да ви помогне да се опуштите и подобро да спиете. Покрај тоа, се смета дека зголемувањето на телесната температура што се случува за време на вежбањето го подобрува квалитетот на спиењето со тоа што помага да се намали телесната температура за време на спиењето.

Доколку сте спремни да го подобрите квалитетот на вашето физичко здравје, ве очекуваме на тренинг во Synergy Fitness & Spa!

Без разлика дали се работи за зацврстување и влегување во форма за летната сезона, или за слабеење, секој посакува брзи резултати.

Па затоа, доколку сакаш да постигнеш некоја цел, постојат две работи кои ќе ти помогнат во нејзиното остварување, а тоа се мотивацијата и дисциплината. Но не заборавај, сите активности на човекот започнуваат со мотивација.

Дали си задоволен со начинот на кој изгледа твоето тело во моментот?
Ако сметаш дека има простор за подобрување, Synergy може да ти помогне во тоа, но секако, во продолжение посочуваме совети за едноставни навики кои ќе ти помогнат да се подготвиш за летната сезона, да ја подобриш самодовербата и да се чувствуваш подобро. Дали си подготвен? 🥳

Навика 1: Планираj однапред

Главната причина поради која луѓето не остануваат во форма долго време e недостатокот од планирање на секојдневниот распоред. Затоа почни однапред да планираш и најди доволно време да се грижиш за твоето тело, за ова лето да бидеш во твојата најдобра форма.

Навика 2: Број ги калориите кои ги внесуваш

Ако не знаеш колку калории имаш внесено и колку калории твоето тело потрошило со физичката активност, не можеш прецизно да го следиш напредокот кој го постигнуваш. Затоа се што треба да направиш е да земеш една тетратка и да започнеш да ги броиш калориите кои си ги внел со јадење и кои си ги потрошил со вежбање!

Навика 3: Промени ја рутината

Ако ја следиш истата рутина на вежбање постојано, ќе постигнеш многу помалку отколку што е способно твоето тело. Не само поради тоа што телото се навикнува на одредени активности кои се повторуваат и троши помалку калории, туку и поради тоа што ќе ти здосади да ги правиш истите вежби постојано.
Вистински убиец на мотивацијата, верувај ни!

Навика 4: Стани рано наутро и појди на тренинг во теретана

Луѓето кои стануваат рано наутро, успеаваат да завршат повеќе работи во текот на денот, отколку тие што остануваат подолго во кревет. Станувањето рано ти овозможува повеќе време за сите активности кои ги имаш во текот на денот.

Вежбај, храни се здраво и биди најдобрата верзија од себе, подготвувајки се за летото што следи!

Те очекуваме на тренинг во Synergy Fitness & Spa!

 

Пилатесот е метод на вежбање кој ја балансира силата со мобилноста, ја подобрува координацијата на телото и ги зајакнува подлабоките мускули на торзото. Трите придобивки од вежбањето на пилатес се: 

1. Го зацврстува торзото

Пилатесот е познат по својот акцент на торзото, односно мускулите на јадрото – центарот на телото од кој произлегуваат сите движења. Со пилатес вежбите се подобрува силата и функцијата на овие мускули, чијашто јачина е клучен фактор за намалување на болките во грбот и колковите.

2. Ја подобрува рамнотежата 

 Рамнотежата е важна на која било возраст и неопходна за секојдневните активности кои вклучуваат координација, како што е одење или кое било од нелинеарните движења во животот, како што се подигање и вртење. Пилатесот ја подобрува рамнотежата не само преку зајакнување на торзото, туку и поради неговиот фокус на координацијата на целото тело. 

3. Го зајакнува имунитетот 

Искуството покажува дека пилатесот помага во зајакнување на функционирањето на имунолошкиот систем, особено кај постарите возрасни лица. Иако многу истражувања се направени на постари возрасни лица, овие наоди сугерираат дека со редовно практикување на пилатес вежби, луѓе од сите возрасти може да го зацврстат имунитетот, како резултат на подобрената циркулација.  

Ве очекуваме на тренинг во Synergy! 

Многу жени ширум светот извршуваат повеќе задачи дневно, а половина од нив се премногу зафатени и едноставно го игнорираат своето тело и своето здравје. Затоа, ние се обидуваме да им помогнеме на сите убави жени каде и да се , преку споделување на нашето знаење кое сигурно ќе функционира.

Појадувајте Здраво: Првиот оброк во денот е многу важен за здрав живот. Појадокот треба да вклучува такви оброци кои ќе бидат богати и здрави – извор на енергија за да можете да останете енергични цел ден. Најважната работа што мора да ја направите е само да ја исклучите мрсната и нездрава храна од вашата исхрана.

Вежбајте секојдневно: Иако знаеме дека не е возможно секоја жена да вежба секојдневно поради бурните распореди, но сепак ако вежбате секојдневно, тоа не само што ќе ве одржува здрави туку и ќе ве штити од бројни болести. Ако не можете да ја следите рутината за тешки тренинзи, почнете да правите едноставни вежби за да го одржите вашето тело во форма.

Останете хидрирани: додека вежбате многу се потите, па за да му обезбедите енергија на вашето тело мора да се одржувате хидрирани. Недоволно пиење вода може да предизвика дехидрација, што пак води до здравствени проблеми. Така, за да останете фит мора да пиете многу вода. Водата за пиење е исто така неопходна за вашата кожа.

Ангажирајте фитнес тренер: Улогата на фитнес тренер е доста важна кога зборуваме за здравје. Фитнесот не е краткорочен процес. Добивањето насоки од личен тренер многу помага да ги постигнете вашите цели.

Вежбајте во група: Наутро или попладне, можете да одберете помеѓу многу опции за тренинг во група каде покрај тоа што ќе вежбате, дополнително и се дружите.

Масажа: Најмалку еднаш неделно одвојте време за масажа. Дали ќе биде спортска, медицинска, релакс или антицелулитна зависи од Вашата моментална состојба. Масажата е задолжителна за секоја жена, пред се затоа што ќе ја подобри Вашата благосостојба.

Разбудете се и легнете си на време: Ако следите распоред во кој не се будите и легнувате на време, тоа ќе влијае на вашето тело. Така, добрите навики за рано будење и заспивање на време се многу корисни за здрав и среќен начин на живот. Потребен е добар сон за да се одржите фит и здрави, затоа спијте доволно.

Ако трошењето малку време ве одржува здрави, тогаш е многу добро да започнете од денес за подоцна да не биде предоцна. Следете ги советите за здравје и фитнес бидејќи здравиот ум се наоѓа во здравото тело и ВИЕ, сите убави дами, ГО ЗАСЛУЖУВАТЕ ТОА!

 

Среќен 8ми Март!

Се покажа дека физичката активност ни дава многу здравствени придобивки, како физички така и психички.

Вежбањето е од клучно значење за поддршка на здрав метаболизам и согорување на повеќе калории дневно. Исто така, ви помага да ја одржите мускулната маса и да изгубите тежина.

4 придобивки од редовното вежбање:

 

1. Вежбањето може да направи да се чувствувате посреќни

Многу истражувања покажуваат дека вежбањето го подобрува вашето расположение и ги намалува чувствата на депресија, анксиозност и стрес. Произведува промени во деловите на мозокот кои го регулираат стресот и анксиозноста. Исто така, може да ја зголеми чувствителноста на мозокот на хормоните серотонин и норепинефрин, кои ги ублажуваат чувствата на депресија. Интересен факт е тоа дека не е важно колку е интензивно вашето вежбање. Се чини дека вежбањето може да има корист за вашето расположение без разлика на интензитетот на физичката активност.

2. Вежбањето е добро за вашите мускули и коски

Вежбањето игра витална улога во градењето и одржувањето силни мускули и коски. Активностите како кревање тегови може да го стимулираат градењето на мускулите кога се поврзани со соодветен внес на протеини. Како што стареат луѓето, тие имаат
тенденција да губат мускулна маса и функција, што може да доведе до зголемен ризик од повреда. Практикувањето на редовна физичка активност е од суштинско значење за намалување на губењето на мускулите и одржување на силата како што стареете.

3. Вежбањето го подобрува здравјето на мозокот и меморијата

Редовното вежбање го подобрува протокот на крв во мозокот и помага за здравјето и меморијата на мозокот. Исто така многу истражувања покажуваат дека вежбањето предизвикува зголемување на големината на хипокампусот, дел од мозокот кој е од витално значење за меморијата и учењето, што може да помогне да се подобри менталната функција кај постарите возрасни лица.

4. Вежбањето може да го зголеми нивото на вашата енергија

Една постара студија покажа дека 6 недели редовно вежбање го намалува чувството на замор кај 36 луѓе кои пријавиле постојан замор. Аеробните вежби го зајакнуваат кардиоваскуларниот систем и го подобруваат здравјето на белите дробови, што може значително да помогне во нивото на енергија. Како што се движите повеќе, вашето срце пумпа повеќе крв, доставувајќи повеќе кислород до вашите мускули. Со редовно вежбање, вашето срце станува поефикасно и повешто во движењето на кислородот во крвта, правејќи ги вашите мускули поефикасни. Вклучувањето редовна физичка активност во вашето секојдневие може да го зголеми нивото на вашата енергија.

Ве очекуваме во Synergy!

Ако во моментов се борите да одржите каква било рутина за вежбање, ветуваме дека не сте сами.

Студено е и вежбањето во зимските месеци може да биде предизвик, особено кога  температурите паѓаат.

Но, да останете физички активни е еден од најдобрите начини да го подобрите вашето ментално и  физичко здравје и да се задржите на вистинскиот пат да ги постигнете вашите фитнес цели.

Физичката активност може да ви помогне да спиете подобро и да ја намалите анксиозноста.

Редовната физичка активност, исто така, ви помага да се чувствувате подобро, да ги зајакнете  коските и мускулите, да го намалите крвниот притисок, да одржувате или изгубите тежина и да го  одржувате умот остар додека стареете. Новите истражувања, исто така, сугерираат дека физичката  активност може да помогне во зајакнувањето на вашата имунолошка функција.

Мало планирање ќе ви помогне да ги пребродите зимските месеци што претстојат. Еве 4 начини  да останете активни:

1. Планирајте ги вашите сесии за вежбање однапред и ставете ги во вашиот календар за да  бидете сигурни дека ќе одвоите време за вежбање.
2. Обидете се да останете во вашата рутина за вежбање, дури и кога не ви се вежба.
3. Набавете фитнес уред за следење на напредокот што го правите.
4. Размислете зошто вежбате и чувајте го тоа на прво место во текот на зимата, без разлика  дали тоа е за вашето ментално здравје, самодоверба, енергија, подобар сон, градење  мускули или зајакнување на имунитетот.