fbpx

Автор: piksel_synergy

КАКО ДА СЕ ОСЛОБОДИТЕ ОД ЦЕЛУЛИТОТ?

Posted on by piksel_synergy

Да, можете да се ослободите од целутот доколку сте упорни и следите неколку битни правила:

1. НАЈПРВО, ОТСТРАНЕТЕ ГО ШЕЌЕРОТ ОД ВАШАТА ИСХРАНА
Шеќерот кој го има во тестенините, разните видови на десерти, чоколади, сокови, газирани пијалоци, алкохолот и слично е најголем непријател на Вашите очи , забите, крвните садови, панкреасот и секако – изгледот на Вашите нозе и бутини. Шеќерот е еден од главните причинители на целулитот.

2. ТРЧАЈТЕ!
Трчањето е сепак најдобрата вежба за тонирање на Вашите нозе. Само не заборавајте да одберете добар пар патики за трчање и никогаш не трчајте на бетон. Трчањето на бетон е извор на многу спортски повреди. Уште ако имате доволно кондиција за интервален високо интензивен тренинг, уште подобро. Практикувајте го ова често.

3. СОКОВИ ОД ЗЕЛЕНЧУК И БОБИНКИ
Соковите од зеленчук и бобинки содржат високо концетрирани растителни влакна и минимален процент на калории. Полифенолот и каротеноидите кои ги содржат овие сокови имаат повеќе антицелулитни својства. Затоа секогаш оваа категорија на храна нека ви биде прв избор.

4. ВНЕСУВАЈТЕ ПРОТЕИНИ!
Вашата кожа е составена главно од протеини. Колагенот, кој ја прави вашата кожа цврста, и еластинот, што ја прави вашата кожа еластична, се протеини. Ако избегнувате да внесувате протеини затоа што мислите дека (на пример) месото е лош за вас, нема да имате доволно протеини за да ја опоравите и да ја зацврстите вашата кожа.

5. ИНТЕНЗИВНИ АНТИЦЕЛУЛИТНИ МАСАЖИ
Можете да одвоите 4о минути за антицелулитна масажа каде со помош на повеќе интензивни движења и притисок се доведува до зголемување на циркулацијата на и сузбивање на фибриозното ткиво, и двата важни аспекти за отстранување на целулитот.

6. ТОПОЛ & ЛАДЕН ТУШ
Контрасен туш, односно наизменично туширање со топла и ладна вода на засегнатите делови доведува до значително забрзување на циркулацијата и метаболизмот. Обидете се!

Во принцип , комбинацијата од соодветна исхрана (исхрана која вклучува ниска масленост, ниско ниво на јагленихидрати, висок процент на чисти протеини и зеленчук), секојдневната физичка активност и интензивните антицелулитни масажи ќе Ви помогнат да го постигнете посакуваниот изглед на Вашето тело.

Зошто Кардио?

Posted on by piksel_synergy

Кардио. За некои поединци е страст, за други само застрашувачки збор. Како и да е, кардиоваскуларниот тренинг е клучна компонента која не смее да биде изоставена од Вашата фитнес програма.
Кардиоваскуларен тренинг е секое движење кое го зголемува срцевиот ритам и циркулацијата на крвта низ телото. Без оглед на формата, секоја кардио вежба доведува до согорување на вишокот калории. Меѓутоа, покрај ова постојат уште низа здравствени придобивки од редовен кардио тренинг.

  • Подобрена работа на срцето
    Срцето е мускул и како и секој друг мускул, треба да се вежба за да стане силно. Со секој кардио тренинг Вие го стимулирате срцето да работи побрзо и доколку ова го правите на редовна основа допринесувате да остане во здрава форма.
  • Забрзан метаболизам
    Покрај забрзувањето на срцевите отчукувања, кардиоваскуларните вежби придонесуваат до забрзување на низа други процеси во Вашето тело, односно Вашиот метаблизам. Забрзан метаболизам значи полесно одржување на саканата форма, односно губење на вишокот килограми, зависно од случајот.
  • Подобрен хормонален профил
    Со секоја кардио вежба се ослободуваат хормони кои го намалуваат апетитот, како и низа “хормони на среќата” (Ендорфин, допамин и серотонин) кои помагаат во олеснувањето на симптомите на депресија и замор.
  • Подобрена способност за опоравување
    Одредени типови на кардио вежби најчесто со поумерен интензитет може да доведат до намалување на времето за опоравување после тренингот. Ако штотуку сте завршиле со тешка сесија, полесна форма на кардио вежба ќе ви помогне да ги отсртаните токсините кои се создаваат при напорен тренинг. Ова ќе помогне да се намали DOMS (одложена појава на болка во мускулите) и ќе доведе крв збогатена со кислород до мускулното ткиво, подобрувајќи ја со тоа регенерацијата и репродукцијата на истите.
    За Вас ова значи дека ќе бидете во можност во поскоро време да продолжите да работите на истите мускулни групи.
  •  Менаџирање на дијабетисот
    Со секоја кардио вежба ја зголемувате способноста на Вашите мускули да ја користат гликозата. Оние кои редовно вежбаат имаат тенденција на подобро контролирање на шеќерите во крв и немаат толку промени во нивото на шеќер во крв за разлика од оние кои не вежбаат.

Можете ли да ослабете без да броите калории?

Posted on by piksel_synergy

Макро диетата, исто така позната и како IIFYM (If It Fits Your Macros) претставува план за исхрана каде наместо калориите го броите внесот на макронутриентите. Но, дали тоа функционира?

Најпрво, што е макро диета?

Постојат три макронутриенти: протеини, јаглехидрати и масти. Поголемиот дел од храната која ја внесувате ги содржи сите три макронутриенти, но одреден вид на храна изобилува претежно со еден вид на макронумтриент. Да речеме месото е полно со протеини, додека лебот е сочинет главно од јаглехидрати, додека маслиновото масло е доминантно масно. За да може Вашиот организам да функционира потребни му се сите три макронутриенти во одреден капацитет.
За разлика од повеќете традиционални диети , не мора да броите точно колку калории дневно внесувате, или да ги исклучите Вашите омилени јадења. Во теорија, можете да јадете се што сакате се додека тоа се вклопува со Вашиот макро план.

Како да дознаете колку макронутриенти ви се потребни?

Пресметувањето на вашите макронутриенти бара некоја основна математика. Ако не сакате да пресметува сами, IIFYM.com нуди макро калкулатор користејќи ја вашата тековна тежина, целна тежина и ниво на активност.
Доколку сакате сами да сметате, најпрво дознајте ја Вашата “енергетска рамнотежа”, односно колку калории внесувате и соговорувате дневно. За да ослабете потребно е да внесете за 10% -15% калории помалку од оние кои ги согорувате. По утврдување на вкупниот број на калории што треба да ги јадете дневно, ќе треба да дознаете колку од вашите дневни калории треба да доаѓаат од масти, јаглехидрати и протеини. Некои сајтови и блогови на IIFYM се залагаат за строги 40% протеини, 40% јаглени хидрати и 20% маснотии, меѓутоа оптимален сооднос нема. Некој организам добро реагира на помалку јаглехидрати, некој на помалку масти. Се зависи од самата индивидуа.
Но генерално, научната литература е многу јасна дека добивањето соодветни количества на протеини е најважното нешто за да се максимизира мускулната маса и да се подобри составот на телото.

Дали навистина “можете да јадете што сакате”?

Некои експерти за исхрана се љубители на оваа флексибилна диета затоа што не го ограничува изборот на храна се додека се внесува правилниот сооднос на макронутриентите.
Меѓутоа, оваа диета не е изговор за да јадете што сакате. Квалитетот на Вашата исхрана е сеуште најважен фактор. Зеленчукот, кој е полн со антиоксиданти и влакна секогаш ќе биде подобар избор за вас отколку чипс или колачиња, кои во основа се празни калории.

Како да започнете?

Во споредба со диетите кои елиминираат цели прехранбени групи или препишуваат комплицирани и специфични комбинации на храна, IIFYM изгледа далеку порелаксирано.
Денес едноставно нарачајте го Вашето омилено парче месо со ориз. Ете, започнавте!