Кога ќе споменеме Dry Needling и Акупунктура, веднаш помислуваме на игли. Поточно, игли вметнати во нашата кожа.
Меѓутоа, во најголем дел, сличностите завршуваат тука. Станува збор за многу различни процедури, започнувајќи од потеклото и придобивките, па се до тоа колку игли се користат и колку време трае една процедура.
Dry Needling , понекогаш наречена и интрамускулна стимулација, е еден вид третман за проблеми со болка и подвижност кои се поврзани со миофасцијални тригерни точки – вкочанети области во сврзното (фасцијално) ткиво кои можат да го ограничат движењето на мускулите и зглобовите. Иглите ги стимулираат мускулите, што предизвикува нивна контракција и доведува до намалување на затегнатоста, зголемување на протокот на крв и намалување на болката.
Акупунктурата, пак, е традиционален кинески метод кој може да ја ублажи болката и другите симптоми на некои здравствени состојби. Се смета дека го балансира протокот на qi (енергија) низ нашето тело, предизвикувајќи го мозокот да ослободува ендорфини, притоа стимулирајќи ја природната способност за лекување.
Потекло
Акупунктурата е древна практика базирана на традиционалната кинеска медицина , додека Dry Needling е модерна практика базирана на западната медицина.
Првата документирана употреба на акупунктурата била во Кина во 100 п.н.е., пред повеќе од 2.000 години, иако многу од денешните акупунктуристи исто така инкорпорираат концепти од западната медицина.
Dry Needling, за споредба, е релативно нова терапија. Се појавува дури во 1940-тите, кога лекарите се обидуваа да сфатат како најдобро да ја третираат болката што ја предизвикуваат одредени тригер точки.
Каде се вметнуваат иглите
Акупунктуристите вметнуваат игли во одредени акуточки низ телото, кои се наоѓаат по 14 „канали за носење енергија“ познати како меридијани. Се верува дека секој меридијан е поврзан со специфичен органски систем, а се смета дека стимулирањето на акуточките долж тие меридијани помага да се врати протокот на енергија во вашето тело.
Ова значи дека вашиот акупунктурист може да вметне игли во делови од вашето тело кои изгледаат неповрзани со какви било проблеми што ги имате. Ако имате акупунктура за да се обидете да ја ублажите болката во долниот дел на грбот, на пример, вашиот акупунктурист може да вметне игла или две во близина на вашите уши или во стапалата – области поврзани со одреден меридијан.
Со Dry Needling, од друга страна, иглите се вметнуваат директно во вашата тригер точка – областа на вашиот мускул што ви предизвикува болка и го ограничува вашето движење. Физиотерапевтот ќе почувствува наоколу со рацете за да ги открие вистинските точки и да пресмета каде точно да ја вметне иглата.
Болка?
Dry Needling-от и акупунктура не болат на начинот на кој очекувате. И во двата случаи, иглите се толку мали што можеби нема ни да ги почувствувате.
Она што е поверојатно да го почувствувате, особено со Dry Needling, е непријатност или болка – особено затоа што директно ги таргетира тригер точките кои се болни и во почетокот со јазли.
Кога иглата е вметната во тригер точката, треба да почувствувате како се грчи мускулот, што всушност е добра работа.
Колку време е потребно за да почувствувате олеснување
После сесијата со акупунктура веднаш се чуствувате одморени, опуштени и без стрес, но другите ефекти – како ублажување на болката или било кое друго олеснување на симптомите – обично се потребни неколку дена за да започнат.
Со Dry Needling, од друга страна, некои од ефектите треба да ги почувствувате речиси веднаш.
Колку време треба да стојат вметнатите игли
При акупунктура, иглите може да останат само неколку минути или дури и до 20 минути. Вашиот акупунктурист може и да ја напушти просторијата додека иглите се во вашата кожа за да можете да се одморите и да се опуштите.
Но, при Dry Needling, иглите обично не остануваат многу долго – само неколку минути. Притоа, физиотерапевтот може да ја придвижи иглата наоколу за да се обиде да го добие мускулниот одговор што го бара, и тој ќе остане со вас во текот на целиот третман.
